3 свежи салати за летни денови

Се ближи 21ви јуни, а со тоа и официјалниот старт на летото, што значи дека високите температури допрва доаѓаат. Со други зборови, сѐ помалце ќе сакате да палите шпорет и да допринесувате дома да ви биде уште потопло. За вакви летни денови, кога телото ве моли да го разладите на било кој начин, свежа салата е правилниот избор за ручек или вечера.

За таа цел, избравме неколку лесни рецепти кои се подготвуваат многу брзо, а не го жртвруваат вкусот на таа сметка. Епа, повелете!

        

Предлог број 1: Боранија со фета сирење

Состојки:

450гр Боранија
10 Шери домати
100гр Пченка
50гр Фета сирење
Маслиново масло
Сол

Подготовка:

  1. Боранијата готви ја 1 – 2 минути во зовриена вода. Исцеди ја, префрли ја во сад и потоа стави го садот во ладна вода со мраз за да ја оладиш боранијата и да го прекинеш процесот на варење.
  2. Исечкај ги шери доматите на половина и додај ги во боранијата заедно со пченката.
  3. Зачини ја салатата со маслиново масло и сол и додај ги здробените коцки фета сирење. На здравје!

Набави си ги состојките од Paket.mk

Предлог број 2: Cole slaw зелка салата

Состојки:

Пола црвена зелка, рендана
Пола зелена зелка, рендана
3 – 4 Моркови, рендани
1/2 шоља мајонез
2 лажици бел шеќер
1 1/2 лажица сок од лимон
1 лажица оцет
1/2 мала лажица мелен црн бибер
1/4 мала лажица сол

Подготовка:

  1. Црвената и зелената зелка исечи ги на тенки ленти со нож или со помош на ренде или таканаречената мандолина 🙂 Може да искористиш и само еден тип на зелка, црвена или зелена, ама за да јадеш и со очите, препорачуваме да ги измешаш двете.
  2. Изрендај ги морковите и измешај ги убаво заедно со зелката.
  3. Сите останати состојки стави ги во друг сад и мешај добро со маталка додека не се растопат шеќерот и солта.
  4. Прелиј ја салатата со преливот и стави ја во фрижидер да се олади.

Совет: Оваа салата може да ја направиш и 8 часа порано и да ја чуваш во фрижидер. Направи ја наутро и кога ќе се вратиш од работа ќе биде совршено оладена за јадење. На здравје!

Набави си ги состојките од Paket.mk

35,00 ден по килограм
85,00 ден по килограм
35,00 ден по килограм
45,00 ден по килограм

Предлог број 3: Салата со авокадо и краставица

Состојки:

1 голема краставица, исечена на коцки
2 домати, исечени на коцки
1/4 црвен кромид, ситно исечкан
2 авокада
1/2 шоља сечкан магоднос
3 лажици маслиново масло
2 – 3 лажици сок од лимон
Сол
Бибер

Подготовка:

  1. Исечкај ги краставицата, авокадото и доматите на коцки со приближно иста големина.
  2. Кромидот и магдоносот исечкај ги ситно и измешај ги сите состојки заедно.
  3. Измешај го маслиновото масло, сокот од лимон, солта и биберот и прелиј ја салатата.

Набави си ги состојките од Paket.mk

Оди на Paket.mk

Прикажи ги сите резултати